मुंबई, 22 मार्च 2025 – महाराष्ट्र राज्य मार्ग परिवहन महामंडळाने (एसटी महामंडळ) मार्गात अचानक बिघाड झालेल्या बसमधील प्रवाशांना तत्काळ सोईसाठी उच्च श्रेणी बसने प्रवास करण्याची मुभा देण्याचा निर्णय घेतला आहे.
परिवहन महामंडळाने जारी केलेल्या परिपत्रकानुसार, एखादी बस अपघातग्रस्त झाल्यास किंवा तांत्रिक बिघाडामुळे बंद पडल्यास प्रवाशांना त्यांच्या निवड श्रेणीपेक्षा उच्च श्रेणीच्या बसने पुढील प्रवास करण्याची संधी दिली जाणार आहे.
महत्त्वाचे मुद्दे:
रस्त्यात अडचणीत आलेल्या एसटी बसमधील प्रवाशांना पुढील गंतव्यस्थानी पोहोचण्यासाठी तत्काळ पर्यायी सुविधा पुरविण्यात येणार.
संबंधित विभागांनी प्रवाशांना कोणत्याही अतिरिक्त शुल्काशिवाय उच्च श्रेणीच्या बसमध्ये बसवण्याच्या सूचना मिळाल्या आहेत.
यासाठी प्रवाशांनी तिकिटाची पडताळणी करून नियमानुसार प्रवास करावा.
या निर्णयाची अंमलबजावणी तत्काळ करण्यात येणार असून, विभागीय नियंत्रकांनी योग्य ती कार्यवाही करण्याच्या सूचना देण्यात आल्या आहेत
एसटी महामंडळाच्या या निर्णयामुळे अचानक बस बंद पडल्यामुळे होणाऱ्या गैरसोयीपासून प्रवाशांची सुटका होणार आहे. महामंडळाने सर्व विभागांना ही सूचना त्वरित लागू करण्याचे आदेश दिले आहेत.
