वाशिम, दि. 12 (जिमाका) : केंद्र शासनाच्या सामाजिक न्याय व सक्षमिकरण विभागातंर्गत राबविण्यात येणाऱ्या अनुसूचित जातीच्या इयत्ता 9 वी व 11 वी च्या विद्यार्थ्यांचे SHRESHTA या योजनेसाठी 22 ऑक्टोबर 2021 पर्यंत अर्ज मागविण्यात येत आहे. SHRESHTA या योजनेनुसार विद्यार्थी हा अनुसूचित जातीचा असावा. विद्यार्थ्यांच्या पालकांचे उत्पन्न 2 लक्ष 50 हजार पेक्षा कमी असावे. SHRESHTA योजनेअंतर्गत रिसोड तालुक्यातील देगांव येथील महिला उत्कर्ष प्रतिष्ठाण संस्था या संस्थेचे भावना पब्लिक स्कुल आणि मंगरुळपीर येथील मोतीरामजी ठाकरे शिक्षण प्रसारक मंडळ या संस्थेचे यशवंतराव चव्हाण इंग्लीश स्कुल या खासगी निवासी नामांकीत शाळामध्ये प्रवेश देण्यात येणार आहे. या योजनेसाठी अर्ज https://washim.gov.in येथून अर्ज प्राप्त करता येईल. सदर अर्ज सहायक आयुक्त, समाज कल्याण, वाशिम या कार्यालयात किंवा acswowashim@gmail.com या ई-मेलवर सुध्दा सादर करता येतील. तरी जास्तीत जास्त विद्यार्थ्यांनी या योजनेचा लाभ घ्यावा. अधिक माहितीकरीता https://grants-msje.gov.in/scguidelines या संकेतस्थळाला सुध्दा भेट देऊ शकता. असे आवाहन समाज कल्याणचे सहायक आयुक्त एम.जी. वाठ यांनी केले आहे.
