वाशीम : गुंठेवारी विकास नियमित करण्याकरीता अर्ज नियमनाकुल करण्याकरीता 5 जुलै 2021 ते 4 ऑगस्ट 2021 या तारखेपर्यंतची मुदत नगर परिषद प्रशासनाने दिली. सदर कालावधी वाढविण्यात यावा, यासाठी खा. भावनाताई गवळी यांनी मुख्याधिकाऱ्यांना कालावधी वाढवा, अशी सुचना पत्राद्वारे दिली होती. या सुचनेवरून नगर कार्यालयात स्वतंत्र कक्ष स्थापन करण्यात आला.
नगर परिषद वाशीममध्ये दर्शनी भागावर सदर अर्ज कोठे स्विकारण्यात येतील, जेथे अर्ज स्वीकारण्यात येतील, कोणते कर्मचारी/अधिकारी राहतील त्यांचे नाव व पद याबाबत स्पष्टपणे नमुद केलेले बॅनर लावण्यात यावे. अर्जदाराचे संख्या पाहता नगर पालिकेला एका महिन्यात अर्ज छाननी करून निर्णय घेणे शक्य वाटत नाही. त्यामुळे न. प. ने सदर अर्ज मागविण्याकरिता वेळ वाढून द्यावा. तसेच दोन/तीन कर्मचारी अधिकारी यांची अर्जदाराचे अर्ज स्विकारून, त्यांची त्रृटी असल्यास त्यांचे त्रृटीचे पत्र त्यांच्या मोबाईलवर संदेशद्वारे कळवून त्रृटीची पुर्तता व्यवस्थीतरित्या करून घेणे करिता जबाबदारी ठरवावी, तरच शासनाचा उद्देश सफल होईल व भुखंडधारकांना न. प. मध्ये या कामाकरीता वारंवार ये-जा करण्याचे काम पडणार नाही, अशा सुचना दि. 7 जुलै 2021 ला दिल्या होत्या.
त्यावरून मुख्याधिकारी नगर परिषद वाशीम यांनी गुंठेवारी प्रकरणाकरिता वेगळे कक्ष स्थापन केले आहे. तसेच नागरिकांचे अर्ज स्विकारणे त्यांचे स्वतंत्र रजिस्टर ठेवून आवक-जावक नोंद घेणे, अर्जामध्ये त्रृटी असल्यास संबंधित अर्जदारास पत्र देवून कळविणे इत्यादी कामे न.प. च्या नियोजन विभागाच्या अखत्यारीत व अनधिस्त गुंठेवारी कक्षाने पुर्ण करून घेण्याचे मुख्याधिकाऱ्याने दि. 9 जुलै 2021 रोजी अधिकाऱ्यांना आदेश काढले.
गुंठेवारी नियमानुकुल करण्याकरिता नियोजन विभागातील अधिकाऱ्यांचे नावे 1) कु. रश्‍मी चंद्रकांत हलगे, रचना सहाय्यक 2) श्री अविनाश देशमुख, रचना सहाय्यक 3) श्री गजानन अशोक पाटील 4) सुरेश बैरवार 5) कु. सारीका आळणे हे आहेत. वरील अधिकाऱ्यांकडे गुंठेवारीचे अर्ज स्विकारणे, गुंठेवारी नियमानुकुल करणे संबंधि अर्जावर कार्यवाही करणे, अर्जदारांना त्रृटी असल्यास कळविणे अशा जबाबदाऱ्या आहेत. भुखंड धारकांनी नगर पालिकेच्या पहिल्या माळ्यावर असलेले नियोजन विभाग येथेच आपले अर्ज/प्रस्ताव दाखल करावे, असे आवाहन खा. भावनाताई गवळी यांनी केले आहे.
