वाशिम जिल्ह्यात दुधविक्रीसाठी दररोज सहा तास परवानगी

जिल्ह्यात दुधविक्रीसाठी दररोज सहा तास परवानगी
वाशिम - जिल्हयात ३ मे पर्यत असलेल्या लॉकडाऊन कालावधीत अत्यावश्यक सेेवा, बँका, शेतीविषयक दुकाने काही वेळेसाठी सुरु ठेवण्यास जिल्हा प्रशासनाने अंशत: सुट दिली असल्याने आर्थिक, सामाजीक तसेच शेतीविषयक घटकांना मोठा दिलासा मिळाला आहे. यासोबतच दूध व दुग्धजन्य पदार्थ विक्री, दूध संकलन केंद्र सुरू ठेवण्याच्या वेळेतही प्रशासनाने आज बदल केला आहे. 
 जिल्हाधिकारी ह्षीकेश मोडक यांनी आज, २१ एप्रिल रोजी दिलेल्या आदेशानुसार दूध व दुग्धजन्य पदार्थ विक्री,  दूध संकलन केंद्र सुरू ठेवण्याचा कालावधी सकाळी ८ ते १२ आणि सायंकाळी ६ ते ८ असा ठेवण्यात आला आहे. याआधी १९ एप्रिल रोजी निर्गमित केलेल्या आदेशानुसार हा कालावधी सकाळी ८ ते १० म्हणजेच केवळ दोनच तास ठेवण्यात आला होता. परंतु आजच्या नव्या आदेशानुसार दूध व दुग्धजन्य पदार्थ विक्री,  दूध संकलन केंद्र सुरू ठेवण्यासाठी सहा तास परवानगी देण्यात आली आहे. या नव्या आदेशामुळे दुध व दुग्धजन्य पदार्थ विक्री करणार्‍या व्यवसायीकांना मोठा दिलासा मिळाला आहे.